Roland Meyer
rmy.ch

Blog: Cat watching

vorwärts zurück
Cat watching

Letscht Wuche hend sich d'Jo und ich e zimlich übli Gripp iigfange (kämpfed jetzt no demit) und hend drum es paar Täg demit chönne verbringe zäme chrank z'si. Die Ziite wo mer nöd grad am hueschte oder früüre xi sind, kei Chopfweh oder Fieber gha hend und eus nöd grad super schwach gfühlt hend hemmer ere gmeinsame Faszination chönne widme: Chatze.

Sit es paar Wuche schliicht sich nämlich bi de Jo dihei immer wider es fremds Büsi durch s'Chatzetüürli ine und harrt dänn im Chäller a de Wärmi us. Offebar hets Hunger und keis Dihei. Da s'Büsi aber enorm schüüch isch und immer grad devorennt wänn mer versuecht sich z'nächere hemmer, Nerds wie mir sind, e Überwachigsaalag mit Yawcam baut. S'Büsi hät offebar aber en höche Stealth-Modifier, da s'es oft trotzdem gschafft het unbemerkt in obere Stock z'schliiche ^^.

Leider wüsse mer nöd wem's ghört da s'kein Chip hät. Aber uf jede Fall isches es mega herzigs Büsi :).

Und s'Bild hämmer gmeinsam zeichnet, darum au chli en andere Stil wie süscht ;).