Roland Meyer
rmy.ch

Blog: Frühlingserwachen

vorwärts zurück
Frühlingserwachen

Das Wuchenend isch Früehlingsaafang xi, und zwar nöd eifach nur uf em Kalender oder weg em super schöne Wetter, nei, mer hets richtig gspürt dass öppis uftaut wo scho lang iigfrore xi isch.

D'Vögel singed, d'Blüemli spriessed, de MP3-Player wanderet vo de Jagge- id Hemdtäsche, ... und s'Lebe chert zrugg id Lüüt.

Mir hend vergangene Friitig s'erste Füür vom Jahr entfacht, im Wald, und es isch wunderschön xi. Und am Samstig bini mit ganz villne Kollege zäme xi, und mer hets richtig gmerkt, wie d'Stimmig eifach viiiilll besser xi isch als während dem ganze Winter, so als ob eifach alles vorher gfrore xi wär...

Drum muessi da jetzt sege: ich freu mich uf de Summer!