Roland Meyer
rmy.ch

Blog: Hoffnungen auf besseres Wetter

vorwärts zurück
Hoffnungen auf besseres Wetter

Im vergangene Herbscht hani mal en Blog gschriebe woni demit bemerkt han dass s'Wetter immer nur grau, chalt, trüeb, und/oder nass isch, und das wuchelang.

S'2. Semester vo mim Studium het i dem Punkt au klar en Vorteil gegenüber em erschte: Es isch es Früehligssemester und wird drum klimatisch kontinuierlich aagnämer und nöd umgekehrt.

Das stimmt ja au, was au unheimlich Motivation gförderet het :D.

Jedoch hani mir da drus au dänkt dasses doch sicher irgendwänn au mal e Wuche wird gä wo durch und durch schöns Wätter isch, so als Gegestuck zum Herbscht, damit ich da de entsprechend Blog chönt schriebe...

...denkste...

Aber macht au nüt, ich freu mich immer no uf de Summer, und drum da s'Beschte Bild vo Züri vo de Polyterrasse us woni mit chli Hilf vo Photoshop anebracht han.