Roland Meyer
rmy.ch

Blog: Fahrprüefig!

forward back
Fahrprüefig!

Ich träge immer 2 Würfel mit mir ume, zum die als spontani Entscheidigshilfe z'benutze. Het de Vorteil dass mer so d'Verantwortig chan uf d'Würfel abwälze.

Bis hüt isches mir so vor cho, als ob Fahrprüefigs-Experte das genau so mached. Vo dem was ich so vo Lüüt um mich ume ghört han müsstis ja fascht unmöglich si, die praktischi Prüefig z'bestah und dass am Endi s'Glück (Glück öb sich nöd grad irgend en idiotische Fuessgänger in letschter Sekunde entscheidet, uf d'Strass z'gumpe) entscheidet.

Aber hüt hani erfahre, dasses doch nöd so schlimm isch. Min Expert het kei Würfel bi sich gha, im allgemeine hani eigentlich nöd mal gross gmerkt dass er überhaupt im Auto sitzt. Uf jede Fall mussi sege, dasses um es villfachs meh erliechteret, d'Fahrprüefig z'bestah als das bi de Matur de Fall xi isch :).

Da demit wär wider öppis erledigt :P

Mer xet sich uf de Strass!