Roland Meyer
rmy.ch

Blog: E Wält erschaffe

forward back
E Wält erschaffe

I de Ferie bini go wandere, in ere wunderschöne Bergwelt wo's immer wider öppis neus z'entdecke gäh het.

Was aber au voll interessant xi isch: selber neui Welte erschaffe. Wandere isch sehr meditativ und mer chan debi guet über öppis nadenke. Drum hemmer z'zweite aagfange eus neui interessanti Welte usdenke mit sonderbare Naturphänomen, frömdartige Kulture und hend dänn versuecht, die Welte so guet wie möglich wüsseschaftlich z'erchläre.

Usecho isch debi e roti Steiwüescht i eme grosse Tal. I dere Wüeschte stönd dutzendi huushöchi Platteaus und uf dene obe wachsed Pflanze und es git e Zivilisation wo det Hütte baut. I de Nacht wird d'Ebeni mit "Wasser" gfluetet, darum hend alli es Boot, und am Tag verwandled sich alles wider zu ere staubtrochene rote Öde.

So, meh sägi nöd, denked eu selber öppis us, es lohnt sich. ^^